Plantun de Prouvènço

Pèr coumpara dos planto d'encò nostre

Erica cinerea & Leontodon crispus

Erica cinerea

Ericaceae

Nom en français : Bruyère cendrée.

Descripcioun :
La brousso-rasiero se rescontro soulamen au couchant de noste relarg qu'èi pulèu uno planto coumuno dóu coustat de l'atlantico. Au contro di brusc que fan de bartas un pau grand, aquelo èi pu basso. Trachis, parié, dins lis endré séusous, sablo e savèu. Se recounèis à si pichòti flour roso e redouno en enflourejado e à si fueio bèn verdo en long, primo, verticilado pèr 3-4 e quàsi sènso péu.

Usanço :
La brousso-rasiero èi vertuouso contro lis enfecioun urinàri e li graviho dóu ren (Erica vèn dóu gre e vòu dire roumpre). Se pren en tisano, (30 à 40 g de flour seco pèr litre d'aigo).

Port : Aubret
Taio : 20 à 60 cm
Fueio : verticilado
Tipe bioulougico : Faneroufite
Cicle bioulougico : Planto renadivo

Gènre : Erica
Famiho : Ericaceae

Ordre : Ericales

Coulour de la flour : Verdo
Petalo : 4
Ø (o loungour) flour : 1,5 à 2 mm
Flourido : Printèms - Estiéu - Autouno

Sòu : Si
Autour basso e auto : 0 à 1600 m
Aparado : Noun
Jun à óutobre

Liò : Bos clar - Champino - Pinedo - Sablo
Estànci : Mesoumediterran à Mountagnard
Couroulougi : Éuroupenco-Ouèst
Ref. sc. : Erica cinerea L., 1753

Moulin-de-prat(-crespu)

Leontodon crispus

Asteraceae Compositae

Autre noum : Mounge.

Noms en français : Liondent à feuilles crépues, Liondent crépu.

Descripcioun :
Aquéu moulin-de-prat trachis dins li colo sus li roucaio seco. Li fueio verdo e grisoulasso, un pau longo e penado, sènso pecou, coume touto la planto soun cuberto de péu rede e estela (fotò). Acò lou destrìo de soun cousin lou moulin-de-prat.

Usanço :
Dins lou miejour de l'Itàli li jóuini fueio soun manjado en ensalado o cuecho en soupo e peréu à la sartan, mesclado emé d'àutri liume de poumo d'amour, d'aiet, d'òli d'óulivo etc. (F. Couplan, op.cit. p. 424).

Port : Erbo
Taio : Pancaro entresigna
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Leontodon
Famiho : Asteraceae
Famiho classico : Compositae
Tribu : Cichorieae

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : 0 à 1800 m
Aparado : Noun

Liò : Tepiero seco - Roucaio
Estànci : Mesoumediterran à Mountagnard
Couroulougi : Pancaro entresigna
Ref. sc. : Leontodon crispus Vill., 1779

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Erica cinerea & Leontodon crispus

ges

Coumpara Brousso-rasiero emé uno autro planto

Coumpara Moulin-de-prat(-crespu) emé uno autro planto